میکسیکو کے مافیاز کا روس یوکرین جنگ سے فائدہ اٹھانے کا انکشاف ہوا ہے۔
فرانسیسی جریدہ کے مطابق میکسیکو مافیاز کے جنگجو جعلی شناخت پر یوکرین پہنچے اور ڈرون کی ٹریننگ لی۔ مافیاز جنگجو یوکرین میں ایف پی وی ڈرون آپریٹر کی تربیت لے رہے ہیں۔
مشکوک افراد کی نشاندہی کیلئے میکسیکو کی انٹیلی جنس نے بھی یوکرین کو خبردار کر دیا۔ یوکرین ملٹری انٹیلی جنس نے اسپینش بولنے والے رضاکاروں کی چھان بین شروع کر دی ہے۔
جریدہ کا کہنا ہے کہ پرائیویٹ ملٹری کمپنیوں کے ذریعے بھیجے گئے بعض جنگجوؤں کو پکڑا گیا ہے۔
واضح رہے کہ میکسیکو میں مافیاز پہلے ہی ڈرون حملے کر رہے ہیں اور نئی مہارت مزید خطرناک ہو سکتی ہے۔
ڈونلڈٹرمپ کی جانب سے جنگ روکنے کے لیے دی گئی ڈیڈلائن کے بعد روس نے یوکرین پر حملے تیز کر دیے۔
غیرملکی خبر ایجنسی کے مطابق روس کے ڈرون اور میزائل حملے میں یوکرین میں 6 افراد ہلاک ہو گئے جب کہ کیف پر حملے میں 52 افراد زخمی ہوئے جن میں کئی کی حالت تشویشناک ہے۔
رات گئے حملے سے کیف کے 4 اضلاع میں تباہی ہوئی جس میں 27 مقامات متاثر ہوئے۔
یوکرینی صدر کا کہنا ہے کہ روس نے 300 سے زائد ڈرون اور 8 میزائل فائر کیے۔
روسی وزارت دفاع نے دعویٰ کیا کہ کیف کے اسلحہ ڈپو اور فوجی تنصیبات کو نشانہ بنایا، یوکرینی ڈرون حملے میں روسی شہر پینزا کا الیکٹرانکس پلانٹ تباہ ہو گیا جب کہ یوکرین کی جانب سے فائر کیے گئے 32ڈرونز مار گرائے۔
from ARY News Urdu- International- عالمی خبریں https://ift.tt/7xaO4uJ
کوئی تبصرے نہیں:
ایک تبصرہ شائع کریں