نئی دہلی : بھارت کی معروف کاروباری شخصیت اور ارب پتی مکیش امبانی کے بھائی انیل امبانی کے خلاف بینک فراڈ کا مقدمہ درج کرلیا گیا۔
تفصیلات کے مطابق بھارت کے معروف صنعتکار، ریلائنس گروپ کے چیئرمین اور ارب پتی مکیش امبانی کے بھائی انیل امبانی کے خلاف بھارت کی وفاقی تفتیشی ایجنسی نے بینک فراڈ کے سنگین الزامات کے تحت ایف آئی آر درج کرلی۔
غیر ملکی خبر رساں ادارے کی رپورٹ کے مطابق بھارتی تفتیشی ایجنسی کی جانب سے یہ کارروائی ملک سے سب سے بڑے بینک کی جانب سے دھوکہ دہی کی شکایت موصول ہونے کے بعد کی گئی۔
اس حوالے سے اسٹیٹ بینک آف انڈیا (ایس بی آئی) کا دعویٰ ہے کہ انیل امبانی کی دھوکہ دہی کے نتیجے میں اسے تقریباً 29 ارب بھارتی روپے کا نقصان اٹھانا پڑا ہے۔
سنٹرل بیورو آف انویسٹی گیشن کے مطابق بینک کی شکایت پر ملزم انیل امبانی سے مکمل تحقیقات کی جائیں گی۔
دوسری جانب امبانی کے ترجمان نے تمام الزامات کو مسترد کرتے ہوئے کہا ہے کہ وہ اس مقدمے میں اپنا بھرپور دفاع کریں گے۔
یاد رہے کہ رواں ماہ اگست کے آغاز میں ای ڈی (انفورسمنٹ ڈائریکٹوریٹ) نے 3ہزار کروڑ روپے کے مبینہ قرض فراڈ اور منی لانڈرنگ کیس میں ایک لک آؤٹ سرکلر جاری کیا تھا، جس کے تحت انیل امبانی عدالت کی اجازت کے بغیر بیرون ملک سفر نہیں کر سکتے۔
ای ڈی نے ممبئی سمیت دیگر شہروں میں ریلائنس گروپ کے 35 سے زائد متعدد دفاتر اور اہم مقامات پر چھاپے مارنے کے بعد انیل امبانی کو 5 اگست کو پوچھ گچھ کے لیے طلب کیا تھا۔
from ARY News Urdu- International- عالمی خبریں https://ift.tt/CPypBgA
کوئی تبصرے نہیں:
ایک تبصرہ شائع کریں