نئی دہلی (14 ستمبر 2025): بھارت میں مذہبی تہوار کے دوران تیز رفتار گاڑی نے جلوس کو روند ڈالا، جس سے 9 افراد ہلاک ہو گئے۔
تفصیلات کے مطابق بھارت میں کرناٹک کے گاؤں موسالے ہوساہلی میں لوگ بڑی تعداد میں مذہبی تہوار میں شریک تھے کہ اچانک ٹرک بے قابو ہو کر ہجوم میں گھس گیا، جس سے نو افراد مارے گئے جب کہ 22 شدید زخمی ہو گئے ہیں۔
زخمیوں میں متعدد کی حالت تشویش ناک ہے، پولیس نے واقعے کی تحقیقات شروع کر دی ہے، واقعے کی فوٹیج بھی سامنے آئی ہے جس میں ٹرک کو ہولناک طریقے سے لوگوں پر چڑھ دوڑتے دیکھا جا سکتا ہے۔
بھارت نے مزید 100 سے زائد رافیل طیارے خریدنے کی تیاری کر لی
مقامی پولیس کی ابتدائی اطلاعات کے مطابق ٹرک تیز رفتاری اور ڈرائیور کی ممکنہ تھکاوٹ کی وجہ سے کنٹرول کھو بیٹھا تھا، اور سڑک کنارے بس کے انتظار میں کھڑے لوگوں پر چڑھ دوڑا۔
پولیس کے مطابق یہ واقعہ گنیش چترتھی کی تقریبات کے آخری دن رات پونے 9 بجے کے قریب پیش آیا، متاثرین میں زیادہ تر نوجوان لڑکے تھے جو تہوار کے جلوس میں شریک تھے، گاڑی کے نیچے دبنے والوں نے موقع پر دم توڑا، جب کہ دیگر بعد میں اسپتال میں دم توڑ گئے۔
ಈ ದುರ್ಘಟನೆಯಲ್ಲಿ ಸಾವೀಗಿಡಾದ ಕುಟುಂಬದ ಸದಸ್ಯರಿಗೆ ದುಃಖವನ್ನು ಸಹಿಸುವ ಶಕ್ತಿ ನೀಡಲಿ, 3 ಜನರ ಸ್ಥಿತಿ ಚಿಂತಾಜನಕವಾಗಿದ್ದು, 20 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ ಅವರೆಲ್ಲರೂ ಶೀಘ್ರವಾಗಿ ಗುಣಮುಖರಾಗಲಿ ಎಂದು ದೇವರಲ್ಲಿ ಪ್ರಾರ್ಥಿಸುತ್ತೇವೆ.#Hassan #Holenarasipura pic.twitter.com/dMi4Bvqzml
— Kumaraswamy for CM (@Kumaraswamy4cm) September 12, 2025
from ARY News Urdu- International- عالمی خبریں https://ift.tt/xW6GFdy
کوئی تبصرے نہیں:
ایک تبصرہ شائع کریں