دنیا کی معروف ٹیکنالوجی کمپنی اوریکل کے شریک بانی لیری ایلیسن نے ایلون مسک کو پیچھے چھوڑ دیا اب وہ دنیا کی سب سے امیر ترین شخصیت بن گئے۔
تازہ ترین اعداد و شمار کے مطابق ان کی مجموعی دولت 393 ارب ڈالر تک پہنچ چکی ہے، جس میں حالیہ دنوں میں 101 ارب ڈالر کا ریکارڈ اضافہ ہوا ہے۔
دولت کے اس غیر معمولی اضافے نے انہیں ٹیسلا اور اسپیس ایکس کے بانی ایلون مسک کو پیچھے چھوڑ کر پہلی پوزیشن پر پہنچا دیا ہے۔ فی الحال ایلون مسک کے اثاثے 385 ارب ڈالر ہیں اور اب وہ دوسرے نمبر پر آگئے ہیں۔
ایلیسن کی دولت میں اس بڑی چھلانگ کی بنیادی وجہ اوریکل کمپنی کی تیز رفتار ترقی اور موجودہ دور میں مصنوعی ذہانت (اے آئی) کی بڑھتی ہوئی مانگ ہے۔
اوریکل نے حالیہ برسوں میں مارکیٹ ویلیو میں زبردست اضافہ کیا ہے اور اے آئی ٹیکنالوجی کے میدان میں اہم کامیابیاں حاصل کی ہیں، جس نے براہِ راست ایلیسن کی دولت کو نئی بلندیوں تک پہنچایا۔
یہ پہلا موقع نہیں کہ ایلون مسک اور لیری ایلیسن دولت کی دوڑ میں قریب قریب رہے ہوں، تاہم اس بار ایلیسن نے سبقت لے کر ایک نئی تاریخ رقم کر دی ہے۔
from ARY News Urdu- International- عالمی خبریں https://ift.tt/m6rd3DK
کوئی تبصرے نہیں:
ایک تبصرہ شائع کریں