(28 اگست 2025): معرکہ حق میں شکست کے بعد بھارتی فوجی قیادت میں اختلافات اور تقسیم کھل کر سامنے آگئی۔
پاکستان سے شکست کے بعد بھارت کی جنگی حکمتِ عملی پر شدید اندرونی اختلافات ہیں، تھیٹرائزیشن کے نام پر تینوں بھارتی افواج کے درمیان طاقت کی کشمکش تیز ہوگئی۔
دی اکنامک ٹائمز کی رپورٹ کے مطابق ایئر چیف مارشل امر پریت سنگھ نے تھیٹرائزیشن منصوبے کو جلد بازی میں نافذ کرنے کے خلاف خبردار کیا، ان کا کہنا تھا کہ اس وقت ہر چیز میں خلل ڈالتے ہوئے ایک نیا ڈھانچہ بنانا اچھا خیال نہیں ہے۔
بھارتی ایئر چیف امر پریت سنگھ نے کہا کہ بھارت کو تھیٹرائزیشن کیلیے کسی دوسرے ملک سے متاثر نہیں ہونا چاہیے، ہر ایک چیز کی اپنی ضرورت ہوتی ہے ضرورت کے بغیر گئے تو ہم غلط ہو جائیں گے۔
امر پریت سنگھ نے مزید کہا کہ ذاتی طور پر سمجھتا ہوں کہ دہلی میں مشترکہ منصوبہ بندی اور رابطہ کاری مرکز کا ہونا ضروری ہے، تھیٹر ائزیشن کے نفاذ کیلیے ہمیں کسی دباؤ میں نہیں آنا چاہیے، محسوس کرتا ہوں اعلیٰ سطح پر مشترکہ منصوبہ بندی اور ہم آہنگی کی ضرورت ہے۔
مودی سرکار کے متنازع تھیٹرائزیشن منصوبے نے بھارتی فوج میں نئے تضادات پیدا کر دیے ہیں۔ بھارتیہ جنتا پارٹی (بی جے پی) کی سیاسی مداخلت نے بھارتی افواج کو پیشہ ورانہ بنیادوں سے محروم کر دیا ہے۔
from ARY News Urdu- International- عالمی خبریں https://ift.tt/fOwWTrg
کوئی تبصرے نہیں:
ایک تبصرہ شائع کریں