امریکی وزیرخارجہ مارکو روبیو نے کہا ہے کہ برطانیہ اور فرانس میں فلسطینی ریاست بنانے کی صلاحیت نہیں ہے۔
فلسطینی ریاست کو تسلیم کرنے کے معاملے پر امریکی وزیرخارجہ مارکو روبیو نے فرانس اور برطانیہ پر شدید تنقید کی ہے، فلسطینی ریاست صرف اسرائیل کی منظوری سے ممکن ہے، مغربی ممالک فلسطینی ریاست کا نقشہ بھی نہیں دے سکتے۔
امریکی وزیرخارجہ مارکو روبیو نے مغربی ممالک کی جانب سے فلسطین کو تسلیم کرنے کو غیرمتعلقہ قرار دیدیا۔
انھوں نے کہا کہ نہیں بتاسکتے فلسطینی ریاست کہاں ہوگی، کون حکومت کرےگا، فرانس اور برطانیہ کا فلسطین کو تسلیم کرنے کا فیصلہ داخلی سیاست پر مبنی ہے۔
یہ بات قابل ذکر ہے کہ فرانس اور برطانیہ کے بعد کینیڈا کی حکومت غور کر رہی ہے کہ فلسطینی ریاست کو تسلیم کیا جائے اور اس کی شرائط کیا ہوں گی۔
کینیڈین میڈیا کی رپورٹس میں بتایا گیا کہ اس حوالے سے اب تک کوئی فیصلہ نہیں کیا گیا لیکن توقع ہے کہ وزیر اعظم مارک کارنی مشرق وسطیٰ کی صورتحال پر تبادلہ خیال کرنے کیلیے کابینہ کا ایک اہم اجلاس طلب کریں گے۔
مذکورہ میڈیا رپورٹس مارک کارنی کی جانب سے اپنے برطانوی ہم منصب کیر اسٹارر کے ساتھ غزہ کی صورتحال اور فلسطینی ریاست تسلیم کرنے کے بارے میں بات چیت کے بعد سامنے آئیں۔
پیر کے روز کینیڈا کے وزیر خارجہ انیتا آنند نے دو ریاستوں کے حل کیلے اوٹاوا کے عزم کی تصدیق کی تھی۔ٔ
برطانیہ، جرمنی اور فرانس کا غزہ میں فوری امداد پہنچانے اور جنگ بندی کا مطالبہ
from ARY News Urdu- International- عالمی خبریں https://ift.tt/AGkCxIB
کوئی تبصرے نہیں:
ایک تبصرہ شائع کریں