امریکی صدر ڈونلڈ ٹرمپ روسی ہم منصب ولادیمیر پیوٹن سے ملاقات کے لیے الاسکا پہنچ گئے۔
بین الاقوامی میڈیا رپورٹس کے مطابق امریکی صدر کا مخصوص طیارہ ایئرفورس ون الاسکا میں لینڈ کر چکا ہے اور ان کی آمد کی کچھ دیر بعد روسی صدر کی آمد بھی متوقع ہے۔
اس سے قبل روسی حکومت کا ایک طیارہ ایئرپورٹ پر لینڈ کیا جس میں وزیرخارجہ سرگئی لاروف سمیت اعلیٰ عہدیدار موجود تھے۔
ٹرمپ اور پیوٹن یوکرین میں 3 سال سے زائد عرصے سے جاری جنگ پر گفتگو کریں گے۔ ٹرمپ اور پیوٹن کی ملاقات میں اعلیٰ سطحی وفود بھی شریک ہوں گے۔ پہلےون آن ون ملاقات ہوگی پھروفودکی سطح پر دوپہر کے کھانے پر ملاقات ہو گی۔
ٹرمپ کے ساتھ شریک وفد میں امریکی نائب صدر جےڈی وینس ہوں گے۔ امریکی وزیرخارجہ مارکو روبیو اور گلوبل مذاکراتی مشیر اسٹیووٹکوف بھی وفد میں شامل ہوں گے۔
پیوٹن کے ساتھ شریک وفد میں روسی وزیرخارجہ سرگئی لاروف ہوں گے۔ روسی وزیر دفاع آندرے بیلوسوف اور وزیرخزانہ انتون سیلوانوف بھی وفد میں شامل ہوں گے۔
from ARY News Urdu- International- عالمی خبریں https://ift.tt/PxLiU6G
کوئی تبصرے نہیں:
ایک تبصرہ شائع کریں