نئی دہلی (3 اگست 2025): بھارت کی اپوزیشن جماعت کانگریس کے مودی سرکار کے چوری شدہ الیکشن کے انکشاف نے بھارتی انتخابی نظام کا راز فاش کر دیا۔
بھارتی وزیر اعظم نریندر مودی کے زیر اثر بھارتی انتخابی نظام اپوزیشن لیڈر کے ہاتھوں بے نقاب ہوگیا۔ نریندر مودی نے اقتدار پر قبضہ کرنے کیلیے الیکشن میں بدترین دھاندلی کروائی۔
رہنما کانگریس راہول گاندھی نے مودی سرکار پر لوک سبھا الیکشن میں 100 نشستوں پر دھاندلی کا الزام لگایا اور اور سخت تنقید کی۔
یہ بھی پڑھیں: ’الیکشن جیت گیا تو پرینکا گاندھی کے گالوں جیسی سڑکیں بناؤں گا‘
راہول گاندھی نے کہا کہ انتخابی نظام کے بارے میں جب ڈیٹا جاری کریں گے تو یہ ایٹم بم جیسا ہوگا، بھارت کا انتخابی نظام پہلے ہی مر چکا ہے، اگر نشستیں دھاندلی سے نہ جیتی گئیں ہوتی تو مودی بھارت کا وزیر اعظم نہ ہوتا۔
انہوں نے کہا کہ ہم ثابت کریں گے کہ لوک سبھا کا الیکشن کیسے چوری کیا گیا، جس ادارے نے جمہوریت کا دفاع کرنا تھا وہ خود قبضے میں چلا گیا۔
نریندر مودی نے ووٹ کے ساتھ ساتھ بھارتی عوام کا اعتماد بھی چھین لیا، جو ووٹ بھارتی عوام کا حق تھا وہ مودی کی ہوسِ اقتدار کی بھینٹ چڑھ گیا۔ جمہوریت کی قاتل بی جے پی سرکار صرف چوری شدہ مینڈیٹ سے اقتدار پر قابض ہے۔
from ARY News Urdu- International- عالمی خبریں https://ift.tt/ZClofX5
کوئی تبصرے نہیں:
ایک تبصرہ شائع کریں