اسرائیل نے ایک بار پھر ایران پر حملہ کیا ہے، جس کے جواب میں تہران کی فضا میں اسرائیلی میزائلوں کو تباہ کیا جارہا ہے۔
ایران اسرائیل جنگ ساتویں دن میں داخل ہوچکی ہے، عرب میڈیا کے مطابق اسرائیل کی جانب سے ایران پر حالیہ حملوں کے بعد تہران میں فضائی دفاعی نظام متحرک ہوچکا ہے، تہران میں زوردار دھماکے سنے جارہے ہیں۔
ایران نے بیلسٹک میزائل میں ’’کلسٹربم وارہیڈ‘‘ استعمال کیا، اسرائیلی فوج کا دعویٰ
عرب میڈیا نے بتایا کہ تہران کی فضامیں اسرائیلی میزائلوں کو تباہ کیا جارہا ہے، ایرانی حکام کا کہنا ہے کہ تہران پر کسی ممکنہ حملے کا جواب دینے کیلئے تیار ہیں۔
اس سے قبل آج ایران نے اسرائیل پر2 مرتبہ جوابی میزائل حملہ کیا ہے جس میں 200 اسرائیلی شہریوں کے زخمی ہونے کی اطلاعات ہیں۔
iran israel تمام خبریں
الجزیرہ نے بتایا کہ ایران کی جانب سے آج مجموعی طور پر 30میزائل داغے گئے، جس میں 200 اسرائیلی زخمی ہوئے، تل ابیب کے مختلف علاقوں میں میزائل گرے، ایک عمارت تباہ ہوئی۔
بیئرشبع میں میزائل حملے سے سوروکا اسپتال کو نقصان پہنچا، شمالی اسرائیل میں بھی نقصان ہوا عینی شاہدین کے مطابق کئی گاڑیاں جل گئیں، ایران کے دوسرے میزائل حملے میں اہداف شمالی اسرائیل کے علاقے تھے۔
from ARY News Urdu- International- عالمی خبریں https://ift.tt/UO9hPzk
کوئی تبصرے نہیں:
ایک تبصرہ شائع کریں