غزہ میں امداد کے منتظر فلسطینیوں پر اسرائیل کے وحشیانہ حملے میں مزید 35 افراد شہید اور درجنوں زخمی ہو گئے۔
غزہ وزارت صحت کے مطابق اسرائیلی فوج کےحملوں میں آج شہید فلسطینیوں کی تعداد 73 ہو گئی ہے۔ یہ حملے اس وقت ہوئے جب امداد لینے کے لیے شہری امریکی امدادی مراکز پر جمع تھے۔
اقوام متحدہ نے ایک بار پھر ان حملوں کی مذمت کرتے ہوئے کہا ہے کہ اسرائیلی فوج بھوک سے نڈھال فلسطینیوں کو نشانہ بنارہی ہے۔
غزہ میں اب تک 409 فلسطینی امداد لیتے ہوئے شہید ہوئے ہیں جب کہ 3ہزار سے زائد زخمی ہو چکے ہیں۔ یونیسیف نے خبردار کیا ہے کہ غزہ میں پانی کانظام تباہ ہے بچوں کی پیاس سے موت کا خدشہ ہے۔
خبر ایجنسی کے مطابق غزہ کے علاقے دیر البلاح میں گھر پر اسرائیلی بمباری میں 8 فلسطینی شہید اور متعدد زخمی ہوئے ہیں۔
from ARY News Urdu- International- عالمی خبریں https://ift.tt/SJUMsQz
کوئی تبصرے نہیں:
ایک تبصرہ شائع کریں