کرکٹ میں وائیڈ بال، نوبال، چوکے اور چھکے کا اشارہ امپائر ہاتھوں سے دیتے ہیں لیکن بھارت میں ایک لوکل میچ میں امپائر نے انوکھے انداز میں وائیڈ بال کا اشارہ دیا جس کی ویڈیو سوشل میڈیا پر وائرل ہوگئی۔
بھارتی ریاست مہاراشٹرا میں لوکل کرکٹ ٹورنامنٹ جاری تھا اسی دوران بولر نے وائیڈ بال کی تو امپائر وائیڈ بال کا اشارہ دینے کے لیے آگے بڑھے اور ہاتھوں کے بل الٹے کھڑے ہوکر ٹانگوں سے وائیڈ بال کا اشارہ دے دیا۔
لوکل امپائر کی اس انوکھے انداز کی ویڈیو سوشل میڈیا پر خوب وائرل ہورہی ہے، امپائر کے اس انداز کو دیکھ کر کمنٹیٹر اور شائقین کرکٹ بھی دنگ رہ گئے۔
ویڈیو میں دیکھا جاسکتا ہے کہ امپائر نے پہلے تو ٹانگوں سے اشارہ دیا اور بعد میں وہ ہاتھ سے ہی وائیڈ بال کا اشارہ دیتے دکھائی دے رہے ہیں۔
When Yoga and Cricket meet
pic.twitter.com/E8yAtCs0mz
— Supriya Sahu IAS (@supriyasahuias) December 6, 2021
کمنٹیٹر نے اس پر تبصرہ کرتے ہوئے کہا کہ وائیڈ بال کا اسٹائل دیکھیں، امپائر نے کمال کردیا۔
مذکورہ ویڈیو کو بھارتی آئی اے ایس افسر نے ٹویٹر پر شیئر کرتے ہوئے کیپشن لکھا کہ ’جب یوگا اور کرکٹ ملتے ہیں جبکہ امپائر کا نام ڈی این روک بتایا گیا ہے۔
سوشل میڈیا پر اس 19 سیکنڈ کے کلپ کو لاکھوں صارفین دیکھ چکے ہیں اور اس پر دلچسپ تبصرے بھی کررہے ہیں۔
ایک صارف نے لکھا کہ ’میں حیران ہوں کہ وہ رن آؤٹ اور وکٹ گرنے کے لیے کیا کرے گا؟‘ ایک اور نے لکھا کہ ’لگتا ہے یوگا ٹیچر پارٹ ٹائم امپائر کے طور پر ملازم ہے۔‘ ایک تیسرے صارف نے مسکراتے ہوئے لکھا کہ ’زبردست ویڈیو ہے۔‘
The post امپائر کی انوکھے انداز میں ’وائیڈ بال‘ دینے کی ویڈیو وائرل appeared first on ARYNews.tv | Urdu - Har Lamha Bakhabar.
from کھیل – ARYNews.tv | Urdu – Har Lamha Bakhabar https://ift.tt/3Ds49Uh
کوئی تبصرے نہیں:
ایک تبصرہ شائع کریں