(17 اگست 2025): بھارتی ریٹائرڈ میجر جنرل یش مور نے جنگ میں پاک فوج کی واضح برتری کو نہ صرف تسلیم کیا بلکہ فیلڈ مارشل عاصم منیر کی بھی تعریف کی ہے۔
بھارتی ریٹائرڈ میجر جنرل یش مور نے حال ہی میں ایک پوڈ کاسٹ میں شرکت کی جہاں انہوں نے اس بات کا اعتراف کیا کہ پاک بھارت کشیدگی کے بعد پاک فوج کا وقار بڑھا ہے۔
بھارتی ریٹائرڈ میجر جنرل نے کہا کہ پاکستان کے فیلڈ مارشل اور پاک فوج کا وقار مزید بڑھ گیا ہے، آرمی چیف فیلڈ مارشل عاصم منیر کا پروموشن ہوا، اُنہیں امریکی صدر ڈونلڈ ٹرمپ نے دعوت بھی دی۔
ان کا کہنا تھا کہ پاکستان آرمی اور اس کی قیادت کو دنیا بھر میں نمایاں مقام ملا، لیکن ہماری بات دنیا نے نہیں سنی، بھارت ایک حملہ آور ریاست کی طرح دکھائی دی، انٹرنیشنل میڈیا نے ہمارے میڈیا کو جھوٹا قرار دیا، میڈیا کے شور شرابے نے ملکی ساکھ کو نقصان پہنچایا۔جنگ کے دوران ہمارا بیانیہ مکمل طور پر ناکام رہا۔
انہوں نے کہا کہ ہمیں اس بات کو ماننا ہوگا کہ ہمارے مقامی میڈیا نے بھارت کی ساکھ کو بین الاقوامی سطح پر نقصان پہنچایا، نام نہاد سلیبرٹیز اور یوٹیوبرز نے جو زبان استعمال کی وہ انتہائی حقیر تھی، مقامی میڈیا پر جنگی جنون سوار تھا، اس دوران میڈیا مسلم مخالف پروگرام بھی میڈیا میں نشر ہوتے رہے۔
بھارتی ریٹائر جنرل نے کہا کہ انٹرنیشنل میڈیا نے کہا کہ بھارتی میڈیا اور سوشل میڈیا پر کوئی اعتماد نہیں کر رہا، یہ لوگ کھلم کھلا جھوٹ بولتے رہے، کہا گیا کہ اسلام آباد پہنچ گئے، کراچی کو آگ لگا دو، بھائی کس کو آگ لگا رہے ہیں۔
from ARY News Urdu- International- عالمی خبریں https://ift.tt/3Pk0IDq
کوئی تبصرے نہیں:
ایک تبصرہ شائع کریں