چین نے امریکا کے برازیل پر عائد 50 فیصد ٹیرف کو ناقابلِ برداشت قرار دے دیا۔
بین الاقوامی میڈیا رپورٹس کے مطابق چینی وزیرخارجہ وانگ ای کی برازیلی صدر کے مشیر سے ٹیلیفونک گفتگو ہوئی جس میں وانگ ای نے کہا کہ عالمی تجارتی اصولوں کو پامال کر کے دوسروں پر دھونس دینا ناقابل قبول ہے۔
چین نے برازیل پر نافذ 50 فیصد ٹیرف کو ناقابل قبول قرار دیتے ہوئے برکس ممالک کے تعاون کو مزید مضبوط کرنے کا عندیہ بھی دے دیا۔
چینی وزیر خارجہ نے کہا کہ برازیل پر ٹیرف دباؤ کو غیرقانونی اور ناقابل قبول سمجھتے ہیں برازیل کے وقار اور خودمختاری کی مکمل حمایت کریں گے۔
انہوں نے کہا کہ ٹیرف کے ذریعے دباؤ ڈالنا اقوام متحدہ چارٹر کی خلاف ورزی ہے۔
ٹرمپ نےجولائی میں برازیل کی تمام درآمدات پر 50فیصد ٹیرف عائد کر دیا تھا۔
خبر ایجنسی کے مطابق امریکی فیصلے سے برازیل کا جھکاؤ چین کی طرف مزید بڑھنے کا امکان ہے۔ ٹرمپ کی جانب سے لگایا گیا ٹیرف سیاسی وجوہات پر مبنی قرار دیا جا رہا ہے۔
برازیل میں ٹرمپ کے اقدام پر سیاسی و کاروباری حلقوں میں شدید ردعمل پایا جاتا ہے۔
ٹرمپ نے ٹیرف کا جواز سابق صدر بولسونارو کے خلاف مقدمات کو قرار دیتے ہوئے کہا کہ بولسونارو کو وچ ہنٹ کا نشانہ بنایا جا رہا ہے جس کے لیے برازیل کو سزا ملے گی۔
چین نے ردعمل دیتے ہوئے کہا ہے کہ ٹیرف کو دھونس، دباؤ اور مداخلت کا ذریعہ نہ بنایا جائے، تجارتی پابندیاں ڈبلیوٹی او قوانین کی کھلی خلاف ورزی ہیں۔
from ARY News Urdu- International- عالمی خبریں https://ift.tt/SjLr4WE
کوئی تبصرے نہیں:
ایک تبصرہ شائع کریں