سان فرانسسکو کے ساحل پر ایک افسوسناک واقعہ پیش آیا جس میں ایک شخص اپنے کتے کو بچانے کے لیے سمندر میں کودا اور ڈوب کر ہلاک ہوگیا۔
یہ واقعہ گزشتہ جمعرات، 8 مئی کو پیش آیا جب سان فرانسسکو فائر ڈیپارٹمنٹ کو اطلاع ملی کہ ایک شخص نے اپنے کتے کو بچانے کے لیے گہرے میں پانی میں چھلانگ لگا دی ہے۔
عینی شاہدین کا کہنا ہے کہ پانی میں موجودگی کے دوران وہ شخص اچانک بے ہوش ہو کر گر پڑا لیکن تاحال اس کی وجہ معلوم نہیں ہوسکی۔
حکام کے مطابق موقع پر موجود دو خواتین فوراً پانی میں داخل ہوئیں اور اس شخص کو باہر نکالا، 911 پر کال کی اور ابتدائی طبی امداد دینا شروع کی۔
ڈوبنے والے شخص کو تشویشناک حالت میں قریبی اسپتال منتقل کیا گیا لیکن وہ جانبر نہ ہو سکا۔ فی الحال اس کی شناخت ابھی ظاہر نہیں کی گئی ہے، رپورٹ کے مطابق جس کتے کو وہ بچانے پانی میں کود گیا تھا، وہ خود ہی باہر نکل آیا اور بالکل محفوظ ہے۔
سان فرانسسکو فائر ڈیپارٹمنٹ نے بتایا ہے کہ وہ تصدیق نہیں کرسکے کہ کتا اسی شخص کا تھا یا نہیں اور کتے کے مالک کے بارے میں بھی معلومات فراہم نہیں کی گئیں۔
from ARY News Urdu- International- عالمی خبریں https://ift.tt/oVuTbwl
کوئی تبصرے نہیں:
ایک تبصرہ شائع کریں