ریاض: سعودی حکام نے اعلان کیا ہے کہ جولائی کے لیے پٹرول کے نرخ نہیں بڑھائیں گے۔
عرب میڈیا کی رپورٹ کے مطابق مملکت میں توانائی اور پانی کی مصنوعات کی قیمتوں کی نگران انتظامی کمیٹی نے بتایا ہے کہ جولائی کے لیے پٹرول کی پرانی قیمتیں بحال رہیں گی۔
کمیٹی کا کہنا ہے کہ ایوان شاہی کے احکامات پرعمل کرتے ہوئے سعودی عرب میں پٹرول کے جون والے نرخوں کو بحال رکھا گیا ہے تاکہ صارفین مستفید ہوں۔
انتظامیہ کمیٹی نے یہ بھی کہا کہ جون میں پٹرول 91 کے فی لٹر نرخ 2.18 ریال جبکہ 95 پٹرول کے نرخ 2.33 ریال تھے یہی نرخ 10 جولائی سے بھی لاگو ہوں گے ایسا ایوان شاہی کے احکامات کو مدنظر رکھتے ہوئے کیا گیا۔
ایوان شاہی کی ہدایت کے مطابق سعودی عرب میں پٹرول کے نرخوں میں ہونے والے ماہانہ اضافہ کو حکومت برداشت کرے گی تاکہ شہریوں اور مقیم غیر ملکیوں پر معاشی بوجھ نہ پڑے۔
خیال رہے کہ جولائی میں پٹرول کے نرخوں میں ہونے والا اضافہ حکومت کی جانب سے ادا کیا جائے گا۔
The post سعودی حکومت کا بڑا اعلان appeared first on ARYNews.tv | Urdu - Har Lamha Bakhabar.
from عالمی خبریں – ARYNews.tv | Urdu – Har Lamha Bakhabar https://ift.tt/3yKiPMl
کوئی تبصرے نہیں:
ایک تبصرہ شائع کریں