اسلام آباد: وزیراعظم کے معاون خصوصی برائے سیاسی روابط شہباز گل کا کہنا ہے کہ پی ڈی ایم اسٹیج پر کرپٹ چہرے پاکستان کی تباہی کے ذمہ دارہیں، جتنے مرضی جتن کرلو لیکن اب ڈرامے بازیوں سے کام نہیں چلے گا۔
تفصیلات کے مطابق سماجی رابطے کی ویب سائٹ ٹوئٹر پر شہباز گل نے ٹوئٹ کیا کہ قوم جان چکی کرپشن آپ کا ایمان اور بلیک میلنگ آپ کے ہتھیار ہیں، طے ہوچکا نئے پاکستان میں کرپشن کے ناسوروں کے لیے کوئی جگہ نہیں ہے، استعفے اسپیکر کے بجائے ریجکٹڈمولانا کو جمع کرانا جعلی استعفوں کی دلیل ہے۔
انہوں نے لکھا کہ بھارتی کرونیکلز میں بہت سارے پاکستانی جعلی لبرل صحافی بے نقاب ہوئے، جعلی لبرل صحافی عمران خان اور پاکستانی فوج کے سخت ترین مخالف ہیں۔
ان chronicles میں سب سے زیادہ چونکا دینے والی حقیقت کہ کس طرح چند صحافی اور جعلی انسانی حقوق کے ترجمان ہندوستان کے ساتھ مل کر پاکستان کو بدنام کرنے پر تلے ہوئے ہیں۔اور یہ سب کے سب نواز شریف کے حامی ہیں اور اس بڑے ہندوستانی سوشل میڈیا نیٹ ورک کا حصہ ہیں۔
— Dr. Shahbaz GiLL (@SHABAZGIL) December 11, 2020
“پی ڈی ایم کا ٹولہ اسی طرح روتا رہےگا”
معاون خصوصی کا کہنا تھا کہ جعلی لبرل صحافی صرف ن لیگ، پی پی اور پشتون تحفظ موومنٹ کےحامی ہیں، یہ اس وقت بھی پاکستان میں اپوزیشن کی تحریک کےحامی نظر آتے ہیں، چند صحافی جعلی انسانی حقوق ترجمان بھارت سے ملے ہوئے ہیں، یہ سب بھارت کے ساتھ مل کر پاکستان کو بدنام کرنے پر تلے ہیں۔
شہباز گل نے مزید کہا کہ یہ نوازشریف کے حامی اور بڑے ہندوستانی سوشل میڈیا نیٹ ورک کاحصہ ہیں۔
The post ‘جتنے مرضی جتن کرلو لیکن ۔۔۔۔۔۔۔۔۔۔۔۔۔’ appeared first on ARYNews.tv | Urdu - Har Lamha Bakhabar.
from پاکستان – ARYNews.tv | Urdu – Har Lamha Bakhabar https://ift.tt/376SQUs
کوئی تبصرے نہیں:
ایک تبصرہ شائع کریں