لندن: برطانیہ کی تاریخ کے سب سے بڑے منی لانڈرنگ کیس میں 4 افراد کو قید کی سزا سنا دی گئی۔
برطانوی میڈیا رپورٹس کے مطابق برطانیہ میں 266 ملین پاؤنڈ کی منی لانڈرنگ کے جرم میں چار شہریوں کو سزا سنا دی گئی، ویسٹ یارکشائر پولیس کے اکنامک کرائم یونٹ کی تحقیقات کے بعد چاروں پر فرد جرم عائد کی گئی تھی، یہ کیس برطانیہ کی قانونی تاریخ میں منی لانڈرنگ کے سب سے بڑے مقدمات میں سے ایک ہے۔
47 سالہ گریگوری فرانکل (Gregory Frankel) کو 11 سال، 8 ماہ قید کی سزا، 47 سالہ ڈینئیل راسن (Daniel Rawson) کو 10 سال، 10 ماہ قید کی سزا، 54 سالہ ہارون رشید کو 10 سال جب کہ 32 سالہ ارجن بیبر کو 11 سال کی سزا سنائی گئی، ان مجرموں کو مجرمانہ نقدی کو ناقابلِ تلاش سونے میں تبدیل کرنے کی سازش پر سزا سنائی گئی ہے۔
مجرمان پر الزام تھا کہ انھوں نے رقوم کے ذرائع کو چھپا کر اُس سے سونا خریدا اور دبئی بھیجا، عدالت کو بتایا گیا کہ 2014 اور 2016 کے درمیان برطانیہ بھر سے رقوم بریڈفورڈ کی ایک جیولری شاپ پر لندن کے ایک کاروباری مرکز سے لائی جاتی تھی، اور بلیک منی کی نقل و حرکت بیگز میں ڈال کر کوریئر کمپنیوں کے ذریعے کی جاتی تھی۔
from ARY News Urdu- International- عالمی خبریں https://ift.tt/eoQMkxy
کوئی تبصرے نہیں:
ایک تبصرہ شائع کریں