پاکستان سے متصل بھارتی سرحدی علاقے میں ڈیوٹی پر مامور بی ایس ایف اہلکار نے خود کو گولی مار کر زندگی کا خاتمہ کرلیا۔
بھارتی میڈیا کے مطابق سیکورٹی ڈیوٹی پر تعینات بارڈر سیکورٹی فورس (بی ایس ایف) کا 44 سالہ اہلکار راجستھان میں پاک بھارت سرحد پر سیکورٹی ڈیوٹی پر مامور تھا۔
رپورٹ کے مطابق ہیڈ کانسٹیبل کرشنا کمار نے سرکاری رائفل سے فائرنگ کرکے خودکشی کرلی، متوفی پنجاب کا رہائشی تھا۔
گولی کی آواز سن کر اس کے ساتھی سپاہی فوراً موقع پر پہنچے اور زخمی حالت میں سپاہی کو بی ایس ایف میڈیکل سینٹر لے آئے جہاں اسے مردہ قرار دے دیا گیا۔
بھارتی پولیس تاحال 17 ویں بٹالین کے بی او پی بھانو میں سیکورٹی ڈیوٹی پر تعینات اہلکار کی خودکشی کی وجہ کا تعین نہیں کرسکی ہے۔ لاش کو ضروری کارروائی کے بعد اسکے آبائی گاؤں روانہ کردیا گیا۔
متوفی ہیڈ کانسٹیبل سال 2000 میں بی ایس ایف میں شامل ہوا تھا، قیاس کیا جارہا ہے کہ خودکشی کے پیچھے کوئی گھریلو وجہ ہوسکتی ہے۔
واضح رہے کہ بھارت میں ذہنی دباؤ، پست ہمتی اور افسران کے ناروا سلوک کے باعث فوجیوں اور سیکیورٹی اہلکاروں میں خودکشی کے واقعات عام ہیں۔
خودکشی کے ان بڑھتے ہوئے واقعات پر بننے والی ہر سطح کی تحقیقاتی کمیٹی کے کبھی نتائج سامنے نہیں آئے اور نہ کسی افسر کو سزا ہوئی۔
from ARY News Urdu- International- عالمی خبریں https://ift.tt/frN7W6D
کوئی تبصرے نہیں:
ایک تبصرہ شائع کریں